శ్రీరామ హృదయము

రామో న గచ్ఛతి న తిష్ఠతి నానుశోచ-
త్యాకాంక్షతే త్యజతి నో న కరోతి కించిత్
ఆనందముర్తి రచలః పరిణామహీనో
మాయాగుణాననుగతో హి తథా విభాతి - ౪౩
తతో రామః స్వయం ప్రాహ
హనూమంత ముపస్థితమ్
శ్రుణు తత్త్వం ప్రవక్ష్యామి
హ్యత్మానాత్మపరాత్మనామ్ - ౪౪
ఆకాశస్య యథా భేద స్త్రివిధొ దృశ్యతే మహాన్
జలాశయే మహాకాశ స్తదవచ్ఛిన్న ఏవ హి
ప్రతిబింబాఖ్యమపరం దృశ్యతే త్రివిధం నభః - ౪౫
బుద్ధ్యవచ్ఛిన్న చైతన్య మేకం పూర్ణమథాపరమ్
అభాసస్త్వపరం బింబ భూతమేవం త్రిధా చితిః - ౪౬
సాభాసబుద్ధేః కర్తృత్వ మవిచ్చిన్నే(అ) వికారిణి
సాక్షిణ్యారోప్యతే భ్రాంత్యా జీవత్వం చ తథాబుధైః - ౪౭
అభాసస్తు మృషా బుద్ధిరవిద్యాకార్యముచ్యతే
అవిచ్ఛిన్నం తు తద్ బ్రహ్మ విచ్ఛేదస్తు వికల్పతః - ౪౮
అవచ్ఛిన్నస్య పూర్ణేన ఏకత్వం ప్రతిపాద్యతే
తత్త్వమస్యాది వాక్యైశ్చ సాభాసస్యాహమస్తధా - ౪౯
ఐక్య జ్ఞానం యదోత్పన్నం మహావాక్యేన చాత్మనోః
తదా (అ) విద్యా స్వకార్యైశ్చ నశ్యత్యేవ న సంశయః - ౫౦
ఏతద్విజ్ఞాయ మద్భక్తో మద్భావాయోపపద్యతే
మద్భక్తివిముఖానాం హి శాస్త్రగర్తేషు ముహ్యతామ్
న జ్ఞానం న చ మోక్షః స్యాత్తేషాం జన్మశతైరపి - ౫౧

--అధ్యాత్మరామాయణము, శ్రీరామ హృదయము అనబడే బాలకాండము ప్రధమ సర్గము నుంచి